Emakumeak Zientzian

Emakume zientzialariak ikusarazi.
Estereotipoak apurtu.
Bokazio zientifikoak sustatu.

Emakumeak Zientzian ekimenak 2017an eman zituen bere lehen urratsak, eta urtetik urtera, handitzen eta mamitzen joan da. Nazio Batuen Batzar Nagusiak 2016. urtean otsailaren 11 Emakume eta Neska Zientzialarien Nazioarteko Eguna zela aldarrikatzea erabaki zuen, emakumeek eta neskek zientzian erabateko eta bidezko parte-hartzea izan dezaten.

Testuinguru horretan sortu zen Emakumeak Zientzian helburu zehatz hauekin:

Zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek zientziako ikasketak hauta ditzaten sustatzea.

Horretarako, jarduera-programa zabal bat sustatu, antolatu, garatu, aurkeztu eta gauzatzen da otsailaren 11ren inguruan.

Urtero Euskal Herriko zientzia eta teknologiaren sarearen erakusle garrantzitsuak diren hainbat entitatek hartzen dute parte ekimenaren antolatzaile gisa, berariazko lankidetza-akordioa sinatuta. Akordioa sinatzen duten erakundeek ekimenaren helburuekin bat egiten dute, eta gizarte-zabalari eskaintzeko ekintzak antolatzeko eta ekarpen ekonomikoa egiteko konpromisoa hartzen dute.

2023. urteko edizioari begira, hauek dira akordioa sinatu duten entitateak.

Koordinatzaileak:

Parte-hartzaileak:

Emakumeak Zientzian ekimenaren babesle nagusiak dira Gipuzkoako Foru Aldundia (2020tik),  Donostiako Sustapena (2021etik, lankidetza-hitzarmen baten bidez) eta BRTA aliantza (2023tik).  

Honetaz gain, ekimenak hainbat erakunde eta organismok eskainitako beste motatako laguntza eta lankidetzak ere baliatzen ditu: Zientzia Ikerketarako Kontseilu Nagusia (CSIC), Zientzia eta Teknologiarako Espainiako Fundazioa (FECYT), Estatuko Ikerketa Agentzia, ekimenari atxikitako Severo Ochoa eta María de Maeztu zentroen bidez, Euskadiko Filmategia eta Donostiako Nazioarteko Zinemaldia, Aspegi (Gipuzkoako Emakume Profesionalen, Enpresaburuen eta Zuzendarien Elkartea), Aranzadi, Lemniskata elkartea, Ikerbasque, Biook eta Donostia Kultura. 

 

2022an STEAM Euskadi 1. saria eta genero-ikuspegiaren aipamen bereziaren saria irabazi zituen

[ikusi albistea]

2022an Donostiako Sustapenaren aitorpen berezia jaso du Berrikuntzaren Astearen IX. edizioan

[ikusi albistea]

2020an “Emakumeak Zientzian” ekimenak STEAM Euskadi zigilua jaso zuen Euskadin STEAM hezkuntza sustatzeagatik.