Murgildu zaitez matematika aplikatuen munduan Basque Center for Applied Mathematics-en (BCAM) eta ezagutu zientzia honek nola bultzatzen duen energiaren etorkizuna.
Zure gelako ikasleak «Turbina-detektibe» bihurtuko dira, turbina eolikoek ere min hartzen dutelako. Sendatzen lagunduko diguzue?
Ba al zenekiten itsas zabalean energia garbia ematen diguten altzairuzko erraldoiek ezkutuko «lesioak» jasan ditzaketela? Bakarrik daude, ehunka kilometrora, olatuak eta ekaitzak jasaten. Nola jakin dezakegu zerbait gaizki doan berandu baino lehen?
Lantegi honetan kontrola duzue!
Onartzen duzue erronka?
ESPERIMENTATU: Ingeniari baten azalean jarriko zarete eta gure turbina simulagailuekin lan egingo duzue.
IKUSKATU: Turbina talde bat emango dizuegu. Batzuk osasuntsu daude, baina batek ezkutuko matxura du. Aurkituko duzue?
DIAGNOSTIKOA: Erabili zure begiak eta gure «sentsoreak» zer gertatzen zaion jakiteko: gehiegizko pisua al duzu itsasoko «sarkinen» erruz? Zerbait solte dago barruan? Zure ainguretako bat hautsi al da?
Zer ikasiko duzue?
Oso modu dibertigarrian jakingo duzue zientziak, teknologiak eta matematikak nola laguntzen diguten gure energia-erraldoiak zaintzen. Ulertuko duzue zergatik izan daitezkeen arazo handi bat prebenitzeko giltzarri dardara txiki bat edo joera ia ikusezin bat.
Gainera, itsasoko lanbideetako “Nor da nor” n jolastu eta zuen eskuekin aerosorgailu bat muntatu ahal izango duzue!
Jarduera hau gaztelaniaz izango da.