Emakume zientzialariak atzo eta gaur

Matematikan lizentziatua eta informatika ingeniaritzan doktorea da, Euskal Herriko Unibertsitatetik, 2010ean eta 2015ean, hurrenez hurren. Master bat egin zuen Matematika Aplikatua, Estatistika eta Konputazioan, eta master bat Ingeniaritza Konputazionalean eta Sistema Adimendunetan, Euskal Herriko Unibertsitatean, 2011n eta 2013an, hurrenez hurren. Gaur egun, irakasle agregatua da Euskal Herriko Unibertsitateko Konputazio Zientziak eta Adimen Artifiziala sailean, eta Adimen Artifizialaren eta Estatistikaren arloko hainbat irakasgai ematen ditu. Basque Center of Applied Mathematics (BCAM) zentroan ere ikerlaria da. 2012. urteaz geroztik, Euskal Herriko Unibertsitateko (UPV/EHU) Intelligent Systems Group ikerketa-taldeko kide da, eta ikaskuntza automatikoarekin eta adimen artifizialarekin lotutako gaietan egiten du ikerketa. Ikerketa-meritu gisa, aipatzekoa da autonomia-erkidegoetako, estatuko eta Europako deialdietako 20 proiektutan baino gehiagotan parte hartu duela, ospe handiko aldizkarietan 17 artikulu argitaratu dituela, eta 4 ekarpen egin dituela estatuko eta nazioarteko kongresuetan. Enpresekin egindako I+G kontratuetan ere parte hartu du, eta hiru doktore-tesi zuzendu ditu.

Alba Jumbo Ekuadorren jaio zen eta bertan egin zituen fisikako graduaurreko ikasketak. Geroago, Frantziara joan zen Sorbonne Université-n Oinarrizko Fisikan maisutza egitera. Gaur egun, doktorego-ikaslea da Euskal Herriko Unibertsitatean, nanoegituren eta material aurreratuen fisikako programan. Doktoratu aurreko ikerketa Materialen Fisika Zentroan egiten du, Donostian, nanomaterialen eta espektroskopiaren taldean. Bertan, urrezko nanopartikulen eta molekulen arteko elkarrekintzak eta horien balizko aplikazioak aztertzen ditu.

EHU-n Telekomunikazio ingeniaritza ikasketak egin ondoren Donostiako Vicomtech ikerketa zentroan hasi zen lanean 2010ean. Konputazio Ingeniaritza eta Sistema Adimendunen masterra burutu eta gero, Ingeniaritza Informatikoko doktoretza egin zuen. Gaur egun senior ikerlaria da Mugikortasun eta Logistikarako Sistema Adimendunen sailean, sektore horiekin lotutako bertako eta nazioarteko ikerketa aplikatuko proiektu ezberdinetan lan eginez, artikuluak idatziz eta enpresetara teknologia transferentzia bultzatuz. Besteak beste, datu espazio-tenporalen tratamentua, garraio-sare ezberdinen adierazpide digitalak eta hauekin erlazionatutako teknologiekin lotutako ikerketa lanetan dihardu.

Sofia Ferreira Teixeira, fisikari portugaldarra, CIC nanoGUNEko doktoretza-ondoko ikertzailea da, nanoteknologian eta materialen fisikan espezializatua. Fisika ikasketak egin zituen Portoko Unibertsitatean, eta han material exotikoekiko eta nanoteknologiarekiko interesa aurkitu zuen. Fisikako Masterra egin zuen arlo honetan, eta Fisikako doktoregoa osatu zuen Imperial College Londonekin lankidetzan. Gaur egun, CIC nanoGUNEn lan egiten du material magnetiko bidimentsionalen garapenean, Europar Batasuneko Marie Sk￮ odowska-Curie beka batekin. Bere ikerketaz gain, fisika elkarteetan eta dibulgazio proiektuetan aktiboki aritu da, 2017an PhysikUP sortuz eta nazioarteko erakundeetan parte hartuz, hala nola Fisika Ikasleen Nazioarteko Elkartean eta Amerikako Fisika Elkartean.

Danila Merino doktorea Kimikan lizentziatu zen (2014) Mar del Platako Unibertsitate Nazionalean (UNMdP), Mar del Platan, Argentinan. Ondoren, Materialen Zientzian doktoregoa lortu zuen (2019) unibertsitate berean, eta hurrengo lau urteetan doktoratu ondoko ikertzaile izan zen Italiako Teknologia Institutuan (IIT), Genovan (Italia). 2023an POLYMATen sartu zen, eta bertan Material Biokonposatu Jasangarrien (SusBioComp) taldearen buru da. Lantaldearen eginkizun nagusia material biokonposatu jasangarri berriak garatzea da, nekazaritza- eta elikagaigintza-sistemak babesteko eta hobetzeko berariaz diseinatuak, eta, aldi berean, ingurumen-aztarna ahalik eta gehien mantentzea.