Etorkizuna inspiratuz: emakumeak adimen artifizialean

BAIC-etik jardunaldi berezi bat antolatu dugu, batxilergoko ikasleak inspiratzeko eta Adimen Artifizialaren (AA) mundura hurbiltzeko, sektoreko emakume adituen eskutik. Egitarauak hiru atal nagusi izango ditu:

🔹 Adimen Artifizialaren sarrera
Jardunaldia hasteko, Adimen Artifizialaren oinarriak azalduko ditugu modu errazean eta didaktikoan. Zer den, nola funtzionatzen duen eta zergatik den etorkizunerako teknologia giltzarri bat ulertzeko aukera eskainiko dugu.

🔹 Mahai-ingurua: Emakumeak AA-n
AA-n aritzen diren emakume profesionalak bilduko ditugu beren esperientziak partekatzeko. Nola hasi ziren, zer erronkak gainditu dituzten eta nolakoa den haien egunerokoa azalduko dute. Gainera, STEAM arloko karreretan interesa duten gazteei beren aholkurik onenak emango dizkiete.

🔹 AA tailerra 42 Urdulizen
Mahai-inguruaren ondoren, eta 42 Urduliz-ekin elkarlanean, parte-hartzaileek AA tailer praktiko batean parte hartzeko aukera izango dute. Tailerra aforoaren arabera antolatuko da eta, bertan, ikasitakoa praktikan jartzeko eta AA munduan sakontzen jarraitzeko aukera izango dute.